तिमिल्सिना समाज नेपाल मधेश प्रदेशको अधिवेशन सम्पन्न
चन्द्रपुर, ३० जेठ, तिमिल्सिना समाज नेपाल मधेश प्रदेशको प्रथम अधिवेशन (प्रदेश सभा) आज रौतहटको चन्द्रनिगाहपुरमा सम्पन्न भएको छ ।
अधिवेशनले कृष्णप्रसाद तिमल्सिनाको अध्यक्षतामा तिमिल्सिना समाज नेपाल मधेश प्रदेशको नयाँ कार्यसमिति चयन गरेको छ । केद्रीय समितिमा उपाध्यक्ष रहनुभएका तिमल्सिना आजको सभाले अध्यक्षमा सर्वसहमत रूपमा चयन गरेको हो । यसैगरी उपाध्यक्षमा वाशुदेव तिमल्सिना (बारा), सचिवमा रामप्रसाद तिमल्सिना (रौतहट) कोषाध्यक्षमा मीराकुमारी शर्मा तिमल्सिना (रौतहट),सहसचिवमा राजकुमार तिमल्सिना (रौतहट) र सदस्यमा महेन्द्रकुमार तिमल्सिना (पर्सा), गणेश तिमल्सिना (धनुषा), हेमकर्ण तिमल्सिना (महोत्तरी), शिवबहादुर तिमल्सिना(पर्सा), प्रेमकुमारी तिमल्सिना (रौतहट), उत्तम शर्मा तिमल्सिना (बारा),भुवानीप्रसाद तिमल्सिना (रौतहट), इन्द्र प्रसाद तिमल्सिना (रौतहट), रामकृष्ण तिमल्सिना (सर्लाही) सिहतकाे कार्यसिमित सर्वसम्मत निर्वाचित हुनुभयो ।
तिमिल्सिना समाज नेपालका केन्द्रीय अध्यक्ष होमप्रसाद तिमिल्सिनाको प्रमुख आतिथ्यतामा सम्पन्न सभामा निवर्तमान प्रतिनिधि सभा सदस्य देवप्रसाद तिमल्सिना, केन्द्रीय समितिका वरिष्ठ उपाध्यक्ष हिरादेवी तिमिल्सिनाको, महासचिव बालकृष्ण तिमल्सिना, सचिव सञ्जय तिमल्सिना र जयराम तिमल्सिनाको आतिथ्यता रहेको थियो ।
अधिवेशनमा प्रमुख अतिथि अध्यक्ष होमप्रसाद तिमिल्सिनाले सम्पूर्णं तिमिल्सिना दाजुभाइ एकबद्ध भएर समाजको हितका लागी काम गर्नुपर्ने धारणा राख्नुभयो । यसैबिच सोही कार्यक्रममा चन्द्रपुर नगरपालिका वार्ड नं. ३ गैडाटारकी १०६ वर्षिय हरिमाया तिमल्सिनालाइ सम्मानसमेत गरिएको थियो । उहाँलाई खादा तथा सम्मान-पत्रसहित सम्मान गरियो ।
बैठकले मधेश प्रदेशबाट दुई जनालाइ तिमिल्सिना समाज नेपालको केन्द्रिय सदस्यमा मनोनित गर्नका लागि सिफारिस समेत गरेको छ । मनोनित हुनेमा धनुषाबाट शिवतिमल्सिना र बाराबाट नवराज तिमलसिना रहनुभएको छ ।
अधिवेशन समाजका केन्द्रीय उपाध्यक्ष कृष्णप्रसाद तिमल्सिनाको अध्यक्षतामा सम्पन्न भएको थियो । अधिवेशनमा मधेश प्रदेशका सयभन्दा बढी तिमिल्सिना बन्धुको सहभागिता थियो ।
